18/98+: atxiloketen aurrean
Gertatutako 46 atxiloketa hauen aurrean 18/98+ Lan Taldeak arbuio eta haserrea baino ezin ditu azaldu. Eskubide zibil eta politikoen aurkako eraso zuzena da; sumario honen epaiketak iraun duen 17 hilabeteetan salatzen aritu garenaren ondorio latza.

Atxiloketa hauek epaia ezagutu gabe eman dira; gure ustez aurrez idatzitako sententziaren erakusle baino ez dira. Ezin dugu aipatu gabe utzi pertsona hauei eragiten ari zaiena, gehitutako zigorra alegia.

Salatu nahi dugu baita ere atxiloketa hauekin ematen ari den joku mediatikoa. Berriro ere gertatu da komunikabide batzuek, auziperatuek eta hauen abokatuek baino informazio gehiago izatea.

Une honetan hau besterik ezin dugu esan, gure irakurketa falloa edo sententzia kaleratzean egingo dugu prentsaurreko baten bitartez.

18/98+ LAN TALDEA

 · LAB Sindikatua: Lanuztea arrakastatsua izan da.

 ·  Abenduaren 13an ordubeteko lanuztea. Borroka garaia da. Euskal Herriaren ordua da.

 · ELA eta 18/98 lanuztea

 ·  18/98koen atxiloketen aurrean elkartasun ekimena Milanotik

 · Egunkaria.info: 18/98ko auzipetuen atxiloketak direla eta

 ·  Elkartasunetik elkarlanera urratsak egiteko garaia dela diote auzipetuek

 · Elkartasuna elkarlan bihur dadila eskatu dute 18/98ko auzipetuek

 · 15.000 autoinkulpazioak jasotzeari uko egin dio epaimahaiak

 · Euskal Herriari hitza eman arte lanean segituko dutela berretsi dute epaituek

 · 18/98 auzia, epaiaren zain

Bilbo 2007/12/02 Gara

Aurkezpena
Espainiako Auzitegi Nazionalak bideratutako makro-sumarioek zuzenean kaltetutako pertsonak, zein sumario horiengatik kezkatuta gauden hainbat pertsonak osatzen dugu 18/98+ lan-taldea. Izan ere, laster hastekoa da sumario horri dagokion ahozko ikustaldia. 18/98 sumarioa, zilegi eta bidezkoak diren jarduera politiko eta sozialak ETAren konplize, laguntzaile edo kide izatearekin parekatzen dituen tesia frogatzea helburutzat duen sumario iturburua da. Orain epaiketan frogatu nahi duten tesi horretatik agintekeria nabarmeneko aro politiko baten erakusgarri izan diren sumario eta jarduketa ugari sortu dira.

Irakurri gehiago

Eskubide zibil eta politikoen alde epaiketa guztiak eten!
EPAIKETA GUZTIAK AURKA EGOTEKO ARRAZOIAK:

Irakurri gehiago