Pnawn da orllewinwyr mwyn, heb sgwennu blog ers tro byd a meddwl bysa gwell neud. Ar ôl bod yn gigio'n galed dros yr ha' dani am ddychwelyd i'r sdiwdio yn fuan.

Mi fyddan yn rhyddhau sengl hefo Gwyneth Glyn o'r enw Paid a Deud, hen gan draddodiadol Gymraeg. Mi fydd fel Love Hurts gymraeg pe gweithith yn iawn, hefo fersiynna newydd o ddwy gan (un o'n caneuon ni, a un o rai Gwyneth) fel b-sides. Wnawni ddim rhoi dyddiad, dani wedi dysgu'n gwers hefo'r albym gynta.

Ma caneuon yr ail albym bron iawn yn barod 'fyd, hefo Edgar a minnau yn rhannu'r baich 'sgwennu. Dani ddim am gigio'r caneuon newydd 'ma tan i'r albym gael ei ryddhau, a dani heb eu dysgu nhw fel band eto chwaith, felly sgynani'm syniad sud albym fydd hi a dwi'n edrach mlaen i ffeindio allan. Un peth sy'n sicr, mi fydd hi'n fwy o alt-country na'r gynta.

Ma'n od gweld sud ma'r lebal "canu-gwlad" wedi sdicio arna ni, peth da i ni achos da ni di cal lot fwy o sylw gan y cyfrynga o'i achos o, ond mai'n anodd iawn gwrando ar yr albym gynta na a perswadio dy hun na canu gwlad ydi be dani fel band yn ganu. Ma na ryw amball i gyffyrddiad wrth gwrs, ond ma dylanwada roc-a-rol a pync yr un mor amlwg amwni, er hynny ma pawb yn ein disgrifio ni fel canu-gwlad. Pyblisiti sdynt da ar ein rhan, erbyn hyn yr unig bobol sydd wedi sylwi ydi John ag Alun.

P'runbynnag, mi fydd yr albym newydd yn newid hynny a mi fydd, dwi'n meddwl, yn albym o ganu gwlad amgen. A dwi'n edrach ymlaen yn ofnadwy.

Twm Colt, xxx 

Henffych orllewinwyr mwyn,

Wedi hen aros mae'r albym yn barod ac ar fin cael ei rhyddhau, dyna ryddhad! Mae'r gwaith celf a phob dim yn barod, ag yn edrych yn dda hefyd. A mi fydd yna grysau-t Cowbois Rhos Botwnnog ar gael yn fuan mewn gigs.

Dwi wedi llwytho ychydig o draciau oddi ar yr albym i chi gael cyfle bach i wrando.

Noswaith dda,

Twm B. Colt

xxxxxxxxxxxxxxxxx

Bydd albym Cowbois Rhos Botwnnog allan yn y siopa ledled Cymru ar yr 16ed o Ebrill. Bydd hi hefyd ar werth ar daith Tafod 2.

Cowbois Rhos Botwnnog's album will be in the shops on the 16th of April. It will also be on sale in the Taith Tafod 2 gigs.

Cowbois ar Daith

Mae Tîm Adloniant Cymdeithas yr Iaith yn falch iawn o gyhoeddi mai Cowbois Rhos Botwnnog fydd y prif fand ar ail Daith Tafod sydd i'w chynnal ym mis Ebrill. Bydd Yucatan a Mr Huw hefyd yn ymuno â nhw wrth iddynt ymweld â phob cwr o Gymru.

Hon fydd yr ail daith o'r fath i'w threfnu gan y Gymdeithas yn dilyn llwyddiant y gyntaf yn Nhachwedd 2006. Y bwriad yw cynnal gigs o safon ymhob rhan o'r wlad a chynyddu poblogrwydd y bandiau sy'n teithio yn y rhannau hynny.

Yn ogystal â pherfformio'n fyw yng ngwobrau Roc a Phop Radio Cymru'n ddiweddar, enillodd Cowbois Rhos Botwnnog y wobr 'Grwp a Ddaeth i Amlygrwydd' ar y noson, yn ogystal â chael eu henwebu yng nghategori 'Sesiwn C2 y Flwyddyn'. Mae eu harddull unigryw o gerddoriaeth roc-gwledig wedi eu gwneud yn boblogaidd iawn gyda dilynwyr cerddoriaeth Gymraeg a dywedodd cydlynydd Taith Tafod, Owain Schiavone, "maen nhw eisoes yn un o fandiau newydd mwyaf poblogaidd Cymru felly rydym ni am geisio adeiladu ar hyn a'u helpu i gyrraedd y lefel nesaf. Mae ganddyn nhw hefyd albwm ar y gweill felly gobeithio bydd y daith yn gymorth i hyrwyddo hwnnw".

Mae Yucatan hefyd yn gobeithio rhyddhau albwm cyntaf y band ym mis Mai wedi i draciau promo dderbyn tipyn o airplay gan swyno gwrandawyr. Dywedodd Schiavone, "mae cerddoriaeth Yucatan yn wirioneddol hyfryd ac mae'r daith yn rhoi cyfle iddynt berfformio'n fwy ar lwyfan. Rydyn ni hefyd yn falch iawn o gael Mr Huw ar y daith hefyd gan ei fod ei gerddoriaeth mor glyfar a hwyliog – mae pawb yn licio Mr Huw."

Reit, helo ers tro. Ma'r Cowbois wedi bod yn brysur drost yr haf. Nathoni chwara lot o gigs, a'r rei syn aros yn y cof ydi'r rei yn Sesiwn Fawr a sdeddfod. Diolch i pawb fuodd yn jeifio. Dani'n mynd i sdiwdio Dyl Mei wythnos yma i recordio'r albym, a fydd hi allan cyn 'dolig gobeithio. Gobeithio bo na lot fwy o gigs ar y gweill.

Cheers Mo Fo's and keep it real.

Dei

Darllediad o helynt y Cowbois yng nghadarnle'r Bandits ar gael ar wefan www.bandit247.com

'Chwaneg o lynia wedi postio ar y wefan yma hefyd.

Noswaith dda, orllewinwyr mwyn,

Bu Dei ar ben to'r cwt heddiw ma hefo morthwl a llif ceisio ffidlan efo erial y telibocs ma, er mwyn dal darllediad Bandit o'r ddinas fowr ddu dach'weld. Wedi ychydig amcan waldio daeth llun i'r fei ar y sgrin fach dywyll.

"Bandits" ebe Twm yn filain.

"Llwytha'r wincherster a'th golts Twm" ebe Edgar yn ol.

Mi fyddani'n pacio'r wagon bore fory, am drip ar hyd y rhos a thraws y paith i Twnti, Rydyclafdy. Ceisiwch ein dal yno gyfeillion, mi fyddani'n rhy slic i chwi. Wedi rhoi 'chwaneg o lynia ar y webshite ma hefyd, fel tystiolaeth o'n bodolaeth.

Cariad mawr, Twm Colt, xxxxxxxxxxxx

Henffych gyfeillion,

Croeso i flog y cowbois, yma y mae pedair can i chwi. Yn anffodus nid yw y wefan hon wedi arfer a theitlau hirfaith y cowbois, felly gorfu talfyrio enwa ychydig o'r caneuon. Y teitlau llawn yw:

Y Cadfridog Cariad A'r Ehedwyr Pluog

Y Moch

Pressez Et Maintenez Mon Bouton (S'il Vous Plait)

Dawns Y Trychfilod

Yn gywir a chyda swsus llaethog, Twm Colt xxxx