L'association Otodidakt a organisé récemment une après-midi débat sur l'histoire de la Guadeloupe et plus largement des Antilles sous l'occupation: An tan Sorin.

Invitée à déclamer un texte inspiré par ce thème, je le mets aujourd'hui en ligne pour ceux qui étaient présents à cette rencontre et souhaitaient lire le poème et bien entendu pour tous les autres que le sujet intéressent. Bientôt une version sonore sur mon myspace music. En attendant, bonne lecture!



Jak Makak Zikak Bannan jônn
A dividand mori salé Friyapen

Tim Tim ! Bwa sèch
Senk ka pôté kat a la machinn trant dé !?
Pa ni manjé! La djè pété. La dévènn débatjé
Lè tout bal fini vyolon pa ka di ak
Lan mizè ka ganmé. Zigizinn plakatak
Lan mori ki té ni lè té ni lan monné !
Atjèlman sa ki ni ? Débrouya san péché

Sorin ek Robè adan mèm bato-a
Yo pa ni gouvèrnay. La Frans tonbé léta
Yo kwè yo ka mennen ?
Sèl mèt a bô ? Non'y sé Pétain
Lanmiral mété gôl-li a lanvè. Pèd chimen'y
Pou'y pé sa lapidé'y Maréchal maré chyen'y
Lèstomak nèg an ba plat pyé dézawa
« Travail Famille Patrie » ? Ki mafoutiyésa !
Démokrasi fèmen zyé'y. Landômi pran fratèrnité
Malè maré pyé libèté. I ka kriyé an mwé
Egalité matjé anlè an fèy papyé finn pa pran lavôl. Garé dan van mové
Toloman pa ni bôl

Jak Makak Zikak Bannan jônn
A dividand mori salé Friyapen

Trop dlo Vichy ka ba gaz fout' !
A fôs mantjé néyé an lo nèg finn pa bout
An disidans nanm nonm ka djoubaké
Vréyé soufrans valsé. Alé pou pa viré !
Farinn Frans pa rivé pran kanno
Sé manniôk an ba fèy lélé dan luil koko
Anbargo sé Roosevelt. Kolabo sé wouspèl. Zwèl
Konba'a pa té ta nou mè nou pran tjôk an djèl. Fyèl
Dézèspwa mal papay pran dlo mousach pou lèt
Gazolinn sé té kann… 1940…Pa mandé konnèt
Ni viktim san vwa, bétjé o pouvwa…An tjè nou sé : Ré-zis-tans !
Sibzistans dan lendépandans. Konsyans ! An tjè nou sé : Nèg-zis-tans !
Panama nou tonbé soley la ka brilé
Sa ki dèyè ranmasé li. Pôtéy ba lé zéné
Pa éfasé sa yo matjé épi lank bwa kanpèch-la
Pa oubliyé lézansèt mantjé néyé ba listwa
Toujou mèm kanno-a. Lépôk-la ki chanjé
Lanmè lanmizè gran sé pou aprann najé

Jak Makak Zikak Bannan jônn
A dividand mori salé Friyapen