Bertan Bera taldeak bere lehen diskoaren lagun arteko aurkezpena egin dau
Jaieguna zala aprobetxatuta, Gernikako Bertan Bera
taldeak bere lehen diskoa aurkeztu eban atzo, Iparragirre rock
elkarteak Goiko Ibarran daukan lokalean. 'Etenik gabeko bidean'
titulupean, disko laburraren aurkezpen saioa lagun artean egin eben,
luntxa eta jai giroko zuzenekoa eta guzti. «Pozarren gagoz ez genuelako
horrenbeste lagun batzerik espero», komentatu eben.
Taldearen azken lana sei abestiz osotuta dago:
'Euskera', 'Herriko jaixetan', 'Gogora ditzagun', 'Aske bizi!', 'Ez dau
salgai!' eta lanari berari izena emoten deutson, 'Etenik gabeko bidean'
izenadunak, hain zuzen be. Guztira, CDaren 500 kopia kaleratu dabez,
sei eurona saltzeko. Dana dala, Gernika eta Ibarrangeluko bost gazte
batzen dauzan talde honek hiru kantadun beste lantxo bat be badauka
kalean, 'Demo' tutulupean, hain zuzen be.
«Iaz hasi ginan zuzeneko kontzertuak eskaintzen eta,
dagoeneko, hogei bat 'bolo' emon doguz. Datozen hiru hilebetetan beste
hamar bat festibaletan parte hartuko dogu», aurreratu eben punk-rock
melodikoa jotzen daben taldeko kideek.