Lugete, o Veneres Cupidinesque,
et quantum est hominum venustiorum:
passer mortuus est meae puellae,
passer, deliciae meae puellae,
quem plus illa oculis suis amabat
nam mellitus erat suamque
ipsam tam bene quam puella matrem,
nec sese e gremio illius movebat,
sed circumsiliens modo huc modo illuc
ad solam dominam usque pipiabat
qui nunc it per iter tenebricosum
illuc, unde negant redire quemquam.
at vobis male sit, malae tenebrae
Orci, quae omnia bella devoratis:
tam bellum mihi passerem abstulistis
O factum male! Io miselle passer!
tua nunc opera meae puellae
flendo turgiduli rubent ocelli.
 | Currently listening:
Empire
By Kasabian
Release date: 19 September, 2006 |
|